“Aba Tofie mukhang inspired ka iho”
“Tignan mo tong si Nanay naguumpisa pa lang ako inspired na agad!”
“Teka teka tama ba tong naririnig ko naguumpisa ka pa lang?”
“Opo umpisa pa lang kung baga first move…” pati kamay ko nakisama sa pagiimagine ng first move.
Doinks
“Aray naman nay, sakit nun tama bang hampasin ako ng throw pillow”
“Hoy Christopher Alcaraz, pagaaral ang unahin mo wag yang pag-girlfriend na yan tandaan mo nagpapakahirap ako para makatapos ka ng pagaaral mo”
Nagumpisa na naman ang mga litanya ni nanay sakin tiyak mahabang paliwanagan to.
“Alam ko po yun nay wag ka magalala gusto ko lang magkaroon ng inspirasyon sa pagaaral ko dahil isa akong tugtugero di ba?”
Doinks…
“Aba nanay nakakarami ka na masakit”
“Tumigil ka dyan” bigla na lang syang tumalikod sakin at nagtungo ng kusina agad naman akong lumapit sa kanya at yumakap sa kanyang likod.
“Nanay, kahit may nililigawan na ako sympre ikaw pa rin ang pinakamagandang babae sa buong buhay ko at sympre ikaw ang pinakamamahal ko”
“Salamat anak, basta ipangako mo sakin na magtatapos ka muna ng college bago ka magasawa ipangako mo”
“Hala nanay nanliligaw pa lang ako di pa ako magaasawa”
“Basta ipangako mo”
“Opo pangako, love you nanay” at tuluyang nagumpisa ang drama scenes ng aking nanay pero di ko rin naman sya talaga masisi talagang lahat nagbabago. Matapos kumain ng hapunan excited akong buklatin ang notebook kung saan isinulat ni Yumi ang kanyang cell number. Ingat na ingat ako sa bawat pahina baka mapilas o kaya naman matupi, ganito talaga ako sa gamit ko masinop sabi ni Nanay nakuha ko daw yun sa aking ama. Nang makita ko ang kanyang cell number agad akong tumungo sa istante kung saan nakalagay ang cellphone ko at nagchacharge.
Pinindot ang On button, ang bagal naman ng loading ng phone ko parang ang ilang segundo sa pagaantay ay isang lingo ang katubas ang OA ko talaga pati ang pagbubukas ng phone ko natatagalan na ako.
Naitype ko na ang bawat numero niya sa screen at muli kong binalikan double checking baka ma-wrong send pa ako. Lumabas ako ng bahay dahil mainit sa loob isa pa malibang habang naghahantay ng reply ni Yumi kung sakaling matagalan. Umupo ako sa isang mahabang upuan sa harap ng bahay nagumpisang magtype ng mensahe para kay Yumi.
“Good Evening kamusta ka na Yumi? – tofie” sent nagulat ako dahil biglang tumunog ang cellphone ko pagkasend ko.
“Check Operator Service” asar talo naka unlimited text ako for 5 days bakit bigla akong na check opt? pati balance inquiry di ko rin magawa. Agad kong inilibot ang aking mga mata baka sakaling may makita kaibigan nagawa ko na ring hanapin ang mga kababata ko.
Si Dan bigla kong nakita naglalakad at hawak ang cellphone mukhang may katext agad ko syang nilapitan.
“Dan, kamusta?”
“Tofie, okay lang eto kagagaling lang sa trabaho, ikaw kamusta anong balita?”
“Ako wala ganun pa rin nagaaral pa rin para may magandang trabaho”
“Okay nga yan pagbutihan mo”
“Salamat Dan favor naman pare?”
“Ano yun basta kaya ko walang problema”
“Pasahan mo naman ako ng load na check opt kasi”
“Yun lang pare naka all text lang ako wala akong extra load pasensya na”
“Okay lang sige na lakad ka na para makapagpahinga ka agad”
“Pasensya na talaga Tofie tuloy na ako”
“Wala yun sige ingat”
Tatlong bente singko lang ang aking kailangan
upang makausap ka kahit sandali lang
Tatlong bente singko lang ang aking kailangan
parang nasa langit na ako
Sige na Ale papalit ng barya
Sige na please naman ale, miss na miss ko na sya, haaaah
“Malas naman ng gabing to kung kalian nakuha ko na yung number ni Yumi saka pa ako nacheck opt si Joe baka may extra load sya”
“Pareng Joe tulungan mo naman ako sa problema ko sige na please?”
“Bakit ano ba yan at mukhang mabigat masyado yang problema na yan para magsabi ka ng please sakin?”
“Pasahan mo naman ako ng extra load mo please sige na please”
“Sira ulo ka ba? Sakin ka pa talaga nanghingi ng load alam mo naman di ko hawak ang cellphone ko atsaka bakit yata atat ka magkaroon ng load may katextmate ka siguro”
“Oo meron importante kasi kaya sige na please?”
“Wala nga akong cellphone di ko hawak ang kulit mo ngayon Tofie may nakain ka bang kakaiba at nagkakaganyan ka?”
Tatlong bente singko lang ang aking kailangan
upang makausap ka kahit sandali lang
Tatlong bente singko sa isang araw
tatlong beses ko rin maririnig sayong mga labi na
mahal kita, mahal kita, wala ng iba, wala ng iba woooh
mahal kita, mahal kita, wala ng iba woooh
mawawalan pa yata ako ng pagasa para matext ko si Yumi ngayong gabi tiyak magtatampo sakin yun dahil hiningi ko pa naman number nya di pa ako nagtext lagot talaga ako nito dapat makagawa ng paraan. Bumalik ako ng bahay at naghalungkat sa lahat ng bulsa ng damit at pantalon ko baka sakaling may barya at makapagpaload kahit pasa lang.
Pero ni singkong duling walang magpakita sakin para akong pulubi kahit piso walang maligaw sa palad ko. Anong oras na wala pa rin akong text kay Yumi baka matutulog na yun di pa nya mababasa ang text ko kasi naman bakit kasi di nagtatabi ng pera. Nga pala naubos kanina kasi natreat ko si Yumi ng lunch naku talaga. Nangangati na ang palad ko para makatext ka Yumi.
Kaya magmula ngayon iipunan ko na aking pera
tatlong bente singko para sa isang araw
tatlong beses ko rin maririnig sayong mga labi na
mahal kita, mahal kita, wala ng iba, wala ng iba woooh
mahal kita, mahal kita, wala ng iba, woooh
“Tofie… asan ka Tofie!”
“Po bakit po Nanay?”
“Matutulog na at maaga ka pa bukas sa klase mo”
“Nanay favor pahingi naman po ng tatlong piso magpapaload lang ako sa tindahan kahit pasa load lang please po please po Nanay please?”
“Hmmm ikaw talagang bata ka nauubos mo na pera mo ngayon ha magastos ka na masyado”
“Hindi po may binili lang po kasi ako kanina sa school project kasi” gumawa pa talaga ako ng palusot para lang makahingi at bigyan ni Nanay
“Sige eto na bilisan mo lang at magsasara na tayo ng pinto gabi na”
“Opo saglit lang Nanay dyan lang sa tindahan yan… thank you Nanay love you”
mahal kita, mahal kita, wala ng iba, wala ng iba woooh
mahal kita, mahal kita, wala ng iba, woooh
Sige na Ale, papalit ng barya
sige na please naman Ale miss na miss ko na sya, haaaah
Sige na Ale, papalit ng barya
sige na please naman Ale miss na miss ko na sya, haaaah
nagmamadali ako para maabutan ko ang tindahang bukas. At nang makita kong isinasara na ang tindahan agad kong pinigilan ang pagsasara nito.
“Teka lang po emergency pa load naman po kahit pasa lang po? Please?”
“Tofie di ka talaga nagbabasa ano?”
“Po?”
“Ayun basahin mo?”
“No Smart/Globe E-Load Available”
“Wahhhh…. Tapos na wala na talagang pagasa”
Malungkot akong lumayo sa tindahan at biglang tumunog ang cellphone na hawak ko
“You have just received 2 pesos worth of load from Yumi, consumable for 24 hours only”
“Si Yumi nagpasa ng load sakin?!!!” pero di pa dun natapos biglang may kasunod pang text
“Ang tagal mo magtext sakin kaya nagpasa ako ng load pakiramdam ko wala kang load – Yumi”
No comments:
Post a Comment