Mula ng umalis kami nila Cheska, Ami, Crissy at Julius para kumain sa mall di ko maalis sa isipan ko si Tofie, parang isang matinding kasalanan na bumabagabag sa kunsensya at sa isipan ko minsan naitatanong ko sa sarili ko bakit ba ako ganitong kaapektado kay Tofie ni hindi ko alam kung may nararamdaman sya para sakin o isang kaibigan lang ang turing niya sakin.
“Hoy Yumi ayos ka lang ba kanina ka pa tahimik, wala kang imik dyan”
“Hindi naman Cheska may iniisip lang ako”
“Wag mong sabihing dinadamdam mo pa rin ang nangyari sayo kanina sa klase na pinagalita ka ni Sir Romulo”
“Maari din yun”
Bahagyang pumantay saking palalakad si Julius at marahang nagsalita.
“Sinasabi ko sayo Yumi, oras na malaman ng barkada mo ang tungkol kay Tofie sinisigurado ko sayo na magiging miserable ang buhay nya sa unibersidad kung naalala mo pa ang ginawa nila sa dating nanligaw sayo bago pa ako dumating dito”
Masakit sakin na maalala ang mga pangyayaring yun na kung saan isang malapit na kaibigan ang nawala sakin ng dahil na rin sa mga kabarkada ko ngunit ano naman ang gagawin ko di maaring iwan ko ang barkada ng dahil sa isang tao maaring kumalas ako o ako naman ang guguluhin nila ang hirap mamili.
Sana kung dumating man ang taong dapat mahalin ko at mamahalin din ako sana makaya kong ipaglaban ng tama ang nararadaman ko sana magkaroon ako ng lakas ng loob para maprotektahan ko ang taong yon kung sino man sya.
“Yung dalawa dyan sa likod sumisimple pa kayo sanay na ako sa mga moves mo Julius” pagpupuna ni Crissy
“Ikaw talaga kung di ka lang babae naku”
“Ano yun Julius? Kung di lang ako babae bakit anu magagawa mo sige nga?”
“Wala naman hehehehe joke lang”
“Siguraduhin mo lang dahil nangangati ang mga kamay ko para may pagtripan”
Nakita ako ang pagtulo ng pawis mula patilya ni Julius halatang takot din naman sya sa tatlo dahil nakita at nasaksihan na niya ang kayang gawin ng barkadang ito.
Hanggang sa marating namin ang restaurant kung saan kami kakain ng lunch namin. Marami din ang kasabayan naming kakain marahil bago ang restaurant kaya marami din ang nagusisa para malaman anung luto ang mayroon sa ganitong klaseng restaurant. Humanap lang kami ng magandang lugar kung saan maaring pumuwesto at nang makapili agad na kaming tumawag ng waiter.
Agad naman binigay ng waiter ang mga menu sa amin ngunit mabilis si Amy.
“Ano ang best seller nyo o anu ang specialty nyo sa restaurant nyo”
“Eto po mam ang mga best seller namin at karamihan po sa mga nandito ang kanilang order ay ang special menu of the day namin”
“Ah ganun ba, sige bigyan mo ko ng iba gusto ko iba, yung tipong masasarapan ako at mabibigla ako”
“Po?”
“You heared me right waiter give new that is not included in your menu, a new perspective”
“Ako din” sabat ni Cheska
“Kahit ako” nakisali na rin si Crissy
Gulat na gulat ang waiter sa sinabi ng tatlo at di nakapagsalita o nakapagbukas ng bibig.
“If you love your job waiter be sure to satisfy your customer or else I will complain” pagbabanta ni ami.
“Ako sir eto na lang sakin yung best seller nyo and then ice tea yun lang po” sagot ko
“Ganun din ako” sagot naman ni Julius
“Aba, hanggang sa tipo ng pagkain nakikiayon ka Julius kay Yumi, I can’t believe we allow you to our group” pagpuna ni Cheska
“Hindi naman medyo busog pa kasi ako kaya yun ang napili kong iorder”
“Whatever, so waiter are clear on our orders?”
“Yes Mam”
“Good, now get lost and prepare our orders go!”
“Sir excuse me” tawag ko sa kanya
“Yes Mam?”
“Thank you” at ngumiti na lang ako sa kanyang mukhang balisang balisa sa ginawa ng tatlo.
“It’s my pleasure to help you”
Makaraan ang ilang minute bumalik ang waiter dala ang mga orders namin at tila nasiyahan naman ang tatlo sa natikman nila at nagsabing babalik sa susunod na araw. Nang makatayo ang tatlo sa kanilang mga upuan at si Julius naman ay nagpunta sa CR, kumuha ako ng kaunting halaga sa aking pitaka at palihim na inabot sa waiter.
“Para po sa inyo, pagpasensyahan nyo na po ang mga kaibigan ko”
“Naku mam okay lang po di nyo na po kailangan magbigay sakin ng tip”
“Please po, salamat ng marami ulit”
“Hehehe salamat din po mam sana kasing bait nyo rin po ang mga kaibigan nyo”
“Mababait naman sila kahit ganyan ang pinapakita nila, paano po mauna na ako salamat ulit”
“Salamat din po”
Muli naming tinunton ang parking area kung saan nakapark ang sasakyan at muling bumalik sa unibersidad para sa susunod na klase, dinaanan ng kotse ang karinderia ni Tita Ruth kung saan una kaming kumain ng magkasama ni Tofie.
Sumilip ako sa bintana ng kotse sinisipat ko kung andun si Tofie kung kumakain ba sya magisa o may kasama syang iba ngunit sa kasamang palad walang Tofie na kumakain sa karinderia ni Tita Ruth at muli akong napabuntong hininga.
“Bakit Yumi mukhang mas malalim ang iniisip mo kesa samin”
“Bakit ano ba iniisip nyo”
“Cut!”
“Cut?”
“Yep cut class”
“Hindi kung gusto nyo kayo na lang babalik na lang ako magisa sa unibersidad”
“KJ ka talaga Yumi”
“Hindi pwede sakin yan Amy alam mo yan kung bakit?”
“Okay okay alam ko may pangarap ka”
“Sige na kung baba ka lakad na basta kami aalis”
“Hoy Yumi, wag kang magbabanggit sa Prof”
“Alam ko yun Cheska pero sigurado ba kayong alam nyo ang ginagawa nyo?”
“Malalaki na kami Yumi di na kami bata para pagsabihan at bantayan”
At tuluyang tumakbo ang sasakyan ni Julius palayo sa kinatatayuan ko at ako naman naiwang nakatingin sa papawalang sasakyan at nang di ko na ito maaninag nagumpisa na rin ako ng malakad pabalik sa silid kung saan gaganapin ang susunod na klase ko. May iba akong nakasabay na kapwa estudyante na nagmamadali para umabot sa susunod na klase parang eksena kaninang umaga ngunit ang kaibahan lang nito kalmado ako ngayon subalit kanina nawala ang lahat dahil sa mga di naasahang pangyayari.
Mula sa waiting shed papasok ng malaking gate ng unibersidad nakita ko rin ang mga kaklase ko sa susunod na subject di kasi blocked section ang kinuha ko kaya sa bawat subject ko iba iba na rin ang nakakasalamuha ko, kung sinu-sino rin ang nakakakilala sakin sa campus kaya minsan naisasali ako sa mga school organization, kaunting kamustahan lang sa daan habang nakikita nila ako pero sadyang iba talaga ang trato kapag nabibilang ka sa elite na sections o klase halata mo naman, pagdating pa lang sa school grounds kilala mo na kung sino ang mayayaman at may kaya at sino ang mga scholars ng unibersidad.
Ang mayayaman naka-kotse at parang may kanya-kanyang parking slot kasama sa pagbabayad ng matrikula, samantalang ang mga may kaya naman nakikisabay lang o kung di naman nakataxi pagpasok ng school iilan lang talaga ang mga estudyanteng nakasakay sa bus, jeep o kahit anong pang masang sasakyan.
Nang makaalpas naman ako sa waitng shed kung saan nakita ko ang mga ibat ibang sasakyan bumungad sakin ang covered court ng unibersidad bukod kasi sa gymnasium may covered court kung saan maaring gamitin ng kahit sino anumang oras nila gustuhin. Ngunit kakaiba sa aking mga napansin kanina mga estudyanteng naglalakad o tumatakbo papunta sa kani-kaniyang silid isang guro na nakatayo sa simentadong entablado ng covered court kausap ang dalawang estudyante anunag ko sa malayo na isang babae at lalake ang kausap niya.
Pero parang pamilyar ang tindig at tangkad ng lalake at para makisigurado nilapitan ko kung talagang kilala ko ang lalakeng naaninag ko. Laking gulat ko ng si Ms. Dulce ang bumungad sa pagsisiyasat ko sa takot ko na rin di ko na nakuhang makita ang mukha ng lalakeng inaaninag ko sa halip nagtatakbo ako palayo mula sa covered court.
No comments:
Post a Comment